Alt Pfadfinder Rosenheim


  Startseite
    Stammtisch
    Termine
    Jahres-Treffen
    Georgstag
    Memoriam
    Gebet
    Lebensfreude
    Wanderungen
    Aktionen
    DPSG
    Der Große Pfad
  Über...
  Archiv
  Abonnieren
 



  Links
   DPSG Rosenheim
   Deutsche Pfadfinderschaft St.Georg
   Freudes & Förderkreis DPSG München
   Freunde und Förderer der DPSG e.V. Bundesverband
   Pfadfinderdorf Zellhof
   Katholischer Nachrichtendienst
   Christ in der Gegenwart
   Te Deum - Heute -
   Steyler Mission
   Oblaten Ottobeuren
   Stiftung Artenschutz
   METI School Bangladesh
   Anna Heringer, Architektin
   Deutsche Lebensbrücke e.V.
   Projekt Maicole
Kinder in Locuto
   Der unerträgliche Standpunkt




  Letztes Feedback



http://myblog.de/altpfadfinderrosenheim

Gratis bloggen bei
myblog.de





Waar des was fias Neie Jahr ?

Was fias Neie Jahr

De Welt is durcharananda kemma
De Hirtn wern an andan Weg nemma
De Schaf findn koane Weidn nimma
In da Stod herin
wern de Leit oiwei schlimma
Aufn Land drauß
treibn si de Räiba ummanand
Koana hoat si an a Gsetz
De Lobby schreibt grad wieda a neis
De Richta sprechan
koa Recht fia de Arman
De Reichn kennan in ihra Gier
koa Dabarma

Bei de Wahln woaß koana
wem a sei Stimm gem kannt
De wo entscheidn soin
streitn grad midanand
As Parlament hat nix zum
sang beim Handls-Gsetz
De Regierung liagt weida
beim Fürsorge-Netz
Mia derfan oafach
ned so lang lem

Ned grad aufsang
Was kaputt ganga is
Dera Zeit muaßd was
dagegn hoitn
"Innehaltn" - sagt da Odilo
Steh bleibn - Ned so weida renna
De Technik bringt
am Mensch koa Heil
Ob a Automobil
koan Fahra ned braucht
Ob a App auf meim Smartphone
mei Zigarettn raucht
Werd koa App fia mi
meine Sindn biaßn
Kon koa App am Morgn
mein Schöpfa griaßn

A jeda hat sei Seel mitkriagt
Aba wanna de oiwei oliagt
reds boid nimma mid eam
bleibt stumm
Er selba sigt boid nimma
den Sinn in seim Lebn
Doch des is eam
zur Aufgab gebn
Rausfindn was de seine is
Was ea doa kon
Ned blind ned taub
durch de Stundn renna
ois daat ma mit koam
ned redn kenna

Zum Denga hamma
im Kopf an Vastand
Was Guads doa
kon a jede Hand
Gwahra schiassn
ins Lem grad Lächa
Menschn nemman
andane Menschn as Lem
Dawei is eam sei eigns
aa ois a Gschenk
vom Schöpfa gem
Da Mensch is ned grad
de Boana des Fleisch des Bluat
In dera Zeit daat wieda
as Nachdenga guat

A Freid an seim Lebn
Wer kannt de ned ham
Dadazua muaß koana ned
Schutzgräbn gram



Weihnachtn 2016 © Heinz Kobald



26.12.16 12:57
 
Letzte Einträge: Welthunger durch Verschwendung, Papst Franziskus packt an, Der Name meines Bruders , Versuch über das Göttliche



Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung